شاہ لطیف ٹائون میں پولیس مقابلہ،2دہشت گرد ہلاک
کراچی( کرائم رپورٹر) شاہ لطیف ٹائون میںپولیس کے ساتھ مقابلے میں دو دہشت گرد ہلاک ،آٹھ ایم ایم رائفل ، ٹی ٹی پستول اور ہنڈا70 موٹرسائیکل برآمد کرلی گئی ۔ پولیس کے مطابق پیر کی دوپہر خفیہ اطلاع پر شاہ لطیف ٹائون کے سیکٹر 21-G میں ایک مکان پر چھاپہ مارا گیا تو وہاں چھپے ہوئے دہشت گردوں نے فائرنگ شروع کردی اور پولیس کی جوابی کارروائی میں دونوں مارے گئے جن میں ایک کی شناخت ابوحذیفہ کے نام سے ہوئی ۔ایس ایس پی ملیر رائو انوار کا کہنا ہے کہ ہلاک ہونے والے دونوں دہشت گردوں کا تعلق القاعدہ برصغیر سے تھا او ر وہ ڈی ایس پی فیصل شگری سمیت پولیس اور سیکیورٹی فورسز کے اہلکاروں ، ڈاکٹروں اور اہل تشیع افراد کی ٹارگٹ کلنگ میں ملوث تھے۔
دہشت گرد ہلاک
