اسلام آباد (نوائے وقت رپورٹ) تحریک انصاف کی خواتین رہنماؤں کی پریس کانفرنس کے دوران میڈیا سے تکرار اور تلخی ہوگئی۔ نجی ٹی وی کے مطابق ایک صحافی نے سوال کردیا کہ ’’کیا مرد حضرات جلسوں میں خواتین دیکھنے آتے ہیں‘‘ شیریں مزاری اس بات پر آگ بگولہ ہوگئیں اور صحافی سے اصرار کیا کہ آپ اپنے الفاظ واپس لیں اور معافی بھی مانگیں۔ اس مطالبے پر صحافیوں نے پریس کانفرنس کا علامتی واک آوٹ کیا جس کے بعد شیریں مزاری نے کہا کہ ہمارے ورکرز خان صاحب کی تقریر سننے آتے ہیں خواتین دیکھنے نہیں۔ پی ٹی آئی میں کئی خواتین نئی سیاست میں آئی ہیں ان میں تہذیب نہیں۔