غیرملکی پرواز سے بغیر پاسپورٹ اسلام آباد پہنچنے والی لڑکی گرفتار
اسلام آباد(آن لائن)وفاقی تحقیقاتی ادارے (ایف آئی اے) نے غیر ملکی پرواز سے بغیر پاسپورٹ اسلام آباد پہنچنے والی لڑکی کو گرفتار کرلیا۔ ذرائع کے مطابق شہناز سید نامی مسافر قطر ائیر لائنز کی پرواز نمبر 632کے ذریعے دوحہ کے راستے منگل کو وفاقی دارالحکومت پہنچی جہاں امیگریشن کا ؤنٹر پر پاسپورٹ مانگنے پر وہ کچھ نہ دے سکی اور پاسپورٹ جہاز میں گم ہونے کے بہانے بنائے تاہم بہانے ان کے کچھ کا م نہیں آسکے اور ایف آئی اے حکام نے ان کو گرفتار کرکے مزید تفتیش شروع کردی۔
