کراچی (آن لائن+ نوائے وقت رپورٹ) بھینس کالونی میں بختاورگوٹھ میںدادا نے فائرنگ کرکے معصوم پوتے کو قتل کردیا جبکہ بیٹے، بہو اور پوتی کو زخمی کردیا۔ پولیس نے ملزم کوگرفتارکرلیا۔ پولیس کے مطابق بختاور گوٹھ کا 60 سالہ زیارت گل اپنی گاڑی لے جانا چاہتا تھا۔ دریں اثناءقائدآباد میں مسلح افراد نے صبح شاہ لطیف ٹاﺅن کے علاقے غوثیہ ہوٹل کے قریب افضل خان محسودکو جاں بحق کردیا۔ مقتول بحرین پولیس کا اہلکار تھا اور چھٹیوں پرکراچی آیاتھا۔ مقتول کو مسلح افرادنے قبائلی دشمنی میں جاں بحق کیا ہے۔ ادھرخلاآباد میں اورنگزیب ہسپتال مرغی خانہ سٹاپ کے قریب سے 63 سالہ شخص کی نعش ملی۔ ادھر گاڑدن شومارکیٹ کے قریب ڈاکوﺅں نے یکے بعد دیگر 11 راہگیروںکو لوٹ لیا۔ ڈاکوﺅںنے حلوہ پوری کی دکان پربھی لوٹ مارکی، ناظم آباد میں ڈاکوﺅں نے مسافروںسے بھری منی بس لوٹ لی جبکہ فائیوسٹار چورنگی کے قریب ڈاکوﺅں نے خان کوچ کولوٹ لیا۔ قبل ازیں بہادر آباد کراچی میں شہری کی فائرنگ سے زخمی ڈاکو دم توڑ گیا۔ ایس پی گلشن اقبال کے مطابق 4ڈاکوﺅں نے کار سوار کو گھر کے سامنے لوٹنے کی کوشش کی‘ کار سوار کے بھائی نے گھر کے دروازے سے ملزم پر فائرنگ کی۔ فائرنگ سے ایک ڈاکو ہلاک جبکہ 3 فرار ہو گئے۔
کراچی/ ہلاکتیں