کراچی (کرائم رپورٹر ) کراچی کے مختلف علاقوں میں فائرنگ کے واقعات میں خاتون سمیت تین افراد زخمی ہوگئے۔ تفصیلات کے مطابق گارڈن پولیس ہیڈ کوارٹرز کے نزدیک مسلح افراد نے رقم چھیننے کے دوران پولیس کے سب انسپکٹر حسن اصغر کی اہلیہ35 سالہ افشین کو فائرنگ کرکے زخمی کردیا اورنگی ٹاﺅن کے سیکٹر ساڑھے گیارہ میں مہاجر چوک کے نزدیک مسلح ملزمان نے داتا کلینک پر فائرنگ کی جس کے نتیجے میں 50 سالہ ڈاکٹرسلیم زخمی ہوگیاجب کہ نیو کراچی کے سیکٹر فائیو ڈی میں فائرنگ کرکے ایک شخص 35 سالہ ارشد علی کو زخمی کردیا گیا۔ دریں اثنا محمود آباد کے علاقے جونیجو ٹاﺅن میں نامعلوم افراد نے 14 سالہ لڑکے کو تشدد کرکے مار ڈالا۔ مقتول احمد رکشہ سٹینڈ کے چوکیدار کا بیٹا تھا۔ باپ رات کی ڈیو ٹی ختم کر کے گھر آیا تو بیٹے کی تشدد زدہ لاش ملی۔
کراچی/ لڑکا ہلاک