لاہور (خصوصی نامہ نگار)واسا میں نیا ڈائریکٹوریٹ قائم کر دیا گیا تاہم نئے ڈائریکٹوریٹ کے لئے کوئی دفتر ہے نہ ہی انفراسٹرکچر ، واسا میں قائم ہونا والا 7واں ڈائریکٹوریٹ جوبلی ٹاﺅن ، ایل ڈی ایونیو ون اور ان سے ملحقہ آبادیوں میں پائیلٹ پراجیکٹ کے طور پر کام کرے گا اور براہ راست ایم ڈی واسا کوجواب دہ ہوگا۔ نئے ڈائریکٹوریٹ سینیٹیشن کے علاوہ ریکوری اور ریونیو کی بھی ذمہ داری ہوگی۔ ذرائع نے دعویٰ کیا ہے کہ کسی تیاری کے بغیر عجلت میں نیا ڈائریکٹوریٹ قائم کیا گیا ہے جس کے لئے اہداف کا حصول ناممکن نظر آرہا ہے۔