ملتان/ میلسی (خبر نگار خصوصی‘ نمائندہ نوائے وقت‘ نامہ نگار) تھانہ کینٹ کے علاقے میں نامعلوم افراد نے فائرنگ کر کے سب انسپکٹر کو قتل کر دیا۔ گزشہ روز میلسی کا رہائشی سب انسپکٹر یاسر منظور ناشتہ لینے جا رہا تھا کہ مال روڈ پر دو نامعلوم افراد نے اس پر فائرنگ کر دی جس کے نتیجہ میں وہ موقع پر ہی دم توڑ گیا جبکہ ملزمان فرار ہو گئے۔ واقعہ کی اطلاع پر پولیس اور حساس اداروں کے جوان اور افسران موقع پر پہنچ گئے۔ یاسر منظور کی نعش پوسٹ مارٹم کے بعد ورثاء کے حوالے کر دی اور نامعلوم افراد کے خلاف مقدمہ درج کر لیا ہے۔