نیشنل جشن آزادی سکواش ٹورنا منٹ کوالیفائنگ راﺅنڈ میں 16میچوں کا فیصلہ
لاہور (سپو رٹس رپورٹر+ نمائندہ سپورٹس)پنجاب سکواش ایسوسی ایشن کے زیراہتمام پہلا ایس این جی پی ایل نیشنل جشن آزادی سینئرز سکواش ٹورنامنٹ شروع ہوگیا۔ گزشتہ روز 16 کوالیفائنگ میچز کا فیصلہ ہوا جن میں آٹھ گرلز اور آٹھ بوائز کے میچزمکمل ہوئے۔ ایس این جی پی ایل نیشنل جشن آزادی سینئرز سکواش ٹورنامنٹ میں شرکت کیلئے پاکستان بھر سے کھلاڑیوں کی آمد گزشتہ روز بھی جاری رہی۔ پاکستان کی سابق نمبر ون ماریہ طور بھی لاہور پہنچ گئیں۔دیگر سٹارز میں فرحان زمان (پی اے ایف)، احسن ایاز (پی آئی اے)، ٹاپ سیڈ اسرار احمد (ایس این جی پی ایل)، وقار محبوب (زیڈ ٹی بی ایل)، مدینہ ظفر (ایس این جی پی ایل)، سعدیہ گل (ایس این جی پی ایل)، فائزہ ظفر (سندھ) شامل ہیں۔ ماریہ طورپرٹورنامنٹ میں آٹھویں نمبر پر سیڈ ہیں۔ ٹورنامنٹ کی افتتاحی تقریب آج بروز تین بجے ہو گی جس کے مہمان خصوصی ایم ڈی ایس این جی پی ایل امجد لطیف ہوں گے۔
