لاہور (کامرس رپورٹر) مقامی تھوک مارکیٹ میں گزشتہ روز ایک کلو چینی کی قیمت میں مزید ایک روپے اضافہ ہوگیا ہے جس سے ایک کلو چینی کی قیمت 57 روپے سے بڑھ کر 58 روپے ہوگئی ہے۔ مقامی تھوک مارکیٹ کے ڈیلرز کے مطابق مارکیٹ میں چینی کی سپلائی ہوئی تاہم چینی کی سپلائی طلب کے مقابلے میں کم ہے اس لئے تھوک مارکیٹ میں چینی کی فی کلو قیمت میں ایک روپے کا اضافہ ہوا ہے۔ گزشتہ روز بھی لاہور کے بیشتر علاقوں میں ایک کلو چینی کی قیمت 66 روپے کی سطح پر برقرار رہی۔