لاہور(سپورٹس رپورٹر+ نمائندہ سپورٹس) پاکستان سپورٹس بورڈ نے ملک کے 70 ویں یوم آزادی کی تقریبات منانے کے لیے فٹبال، ہاکی اور باسکٹ بال کے میچز کا اہتمام کیا ہے۔ اس سلسلہ میں تیرہ اگست کی صبح 10 بجے پاکستان گرین اور پاکستان وائٹس ٹیموں کے درمیان میچ جناح سٹیڈیم اسلام آباد میں کھیلا جائیگا۔ اسی روز صبح 10 بجے پاکستان گرین اور پاکستان وائٹس ٹیموں کے درمیان ہاکی میچ نصیر بندہ ہاکی سٹیڈیم میں کھیلا جائیگا۔جشن آزادی باسکٹ بال میچ 14 اگست کو پاکستان سپورٹس بورڈ کے باسٹک بال کورٹ میں شام ساڑھے سات بجے کھیلا جائیگا۔