ورلڈ ٹیم سنوکر چیمپئن کے فاتح کھلاڑی مصر سے کراچی پہنچ گئے
لاہور(نمائندہ سپورٹس) آئی بی ایس ایف ورلڈ ٹیم سنوکر چیمپئن شپ جیتنے کے بعد پاکستان کی ٹیم کے کھلاڑی بابر مسیح، محمد آصف، محمد سجاد اور اسجد اقبال وطن واپس پہنچ گئے۔ کراچی ائر پورٹ پر شاندار استقبال کیا گیا، ہار پہنائے گئے۔ پاکستان بلیئرڈ اینڈ سنوکر ایسوسی ایشن کا کہنا تھا کہ کرکٹرز کو ہرکسی نے انعامات دیے ، ان کھلاڑیوں کے لیے مبارکباد کے پیغامات بھی بھیجنا گوارا نہیں کیا گیا۔کیوئسٹس کا کہنا تھا کہ حکومتی رویے پر ناراض ہیں لیکن ملک کے لیے اعزازات حاصل کرتے رہیں گے۔
