اسلام آباد(نامہ نگار)ٹیکنکل ووکیشنل اور انٹرپرائز ٹریننگ سیکٹر پروگرام نے ڈونر کے مالی معاونت سے سندھ اور بلوچستان میں ٹی وی ای ٹی اصلاحات کی نمائش کا انعقاد کیا،مہمان خصوصی ممتاز علی شاہ نے کہا کہ ایک دہائی قبل ہم ابتدائی مرحلے میں تھے جہاں ہم نے صرف ٹیکنکل ووکیشنل اور انٹرپرائز ٹریننگ کے شعبے میں اصلاحات کا سوچا تھا لیکن ایک دہائی کے بعد یورپی یونین، وفاقی جمہوریہ جرمنی اور رائل نارویجن ایمبیسی کے تعاون سے، پاکستان پائیدار سماجی و اقتصادی ترقی کی طرف بڑھ رہا ہے۔ سالانہ بنیاد پہ بڑی تعداد میں فارغ التحصیل نوجوان اب ٹی وی ای ٹی سیکٹر سپورٹ پروگرام کی بدولت اپنی مہارتوں کو بڑھانے کی وجہ سے زیادہ سے زیادہ ملازمت کے مواقع اور انٹرپرینیورشپ کے اختیارات حاصل ہو سکتے ہیں۔