اسلام آباد (وقائع نگار )رابطہ عالم اسلامی کے سیکرٹری جنرل اور گزشتہ سال کے امام حج ڈاکٹر محمد بن عبدالکریم العیسی نے کہا ہے کہ پاکستان اور سعودی عرب امت مسلمہ کے دو روشن ستارے ہیں۔ان کا استحکام امت کا استحکام ہے۔ان خیالات کا اظہار انھوں نے پاکستان کے معروف اسکالر پروفیسر حافظ سجاد قمر سے ملاقات میں کیا۔جو ان کی دعوت پر سعودی عرب کے دورہ پر ہیں۔ڈاکٹر محمد بن عبدالکریم العیسی نے کہا ہمیں مل کر جھوٹے پروپیگنڈے کا مقابلہ کرنا ہو گا۔اسلام کا چہرہ مسخ کر کے پیش کیا جا رہا ہے۔انھوں نے پاکستان کے استحکام سلامتی اور ترقی کے لیے خصوصی دعا کی۔اور پروفیسر سجاد قمر کی کاوشوں اور جدوجہد کو سراہا۔معروف اسکالر پروفیسر حافظ سجاد قمر نے ڈاکٹر محمد بن عبدالکریم العیسی کا بہترین مہمان نوازی پر شکریہ ادا کیا۔