لاہور (نامہ نگار) آئی جی پنجاب  پولیس ڈاکٹر عثمان انور نے متعدد پولیس افسروں کے تقرروتبادلے کے احکامات جاری کیے ہیں۔ ایس ایس پی زاہد نواز مروت کو ڈی پی او شیخوپورہ، ساجد حسین کھوکھر کوڈی پی او منڈی بہاؤالدین، ایس پی سید علی رضا کو ڈی پی او بہاولنگر، اسد الرحمن کو ڈی پی او لیہ، ناصر سیال کو ڈی پی او راجن پور تعینات کر دیا گیا ہے۔ جبکہ ڈی پی او منڈی بہاؤالدین انور سعید کنگرہ اور ڈی پی او راجن پور احمد محی الدین کو سینٹرل پولیس آفس پنجاب لاہور رپورٹ کرنے کے احکامات جاری کئے گئے ہیں۔ علاوہ ازیں سی پی او گوجرانوالہ رانا ایاز سلیم کو ڈی پی او وزیرآباد، سی پی او راولپنڈی، سید شہزاد ندیم بخاری کو ڈی پی او مری، ڈی پی او چکوال کیپٹن (ر) واحد محمود کو ڈی پی او تلہ گنگ ‘ ڈی پی او مظفرگڑھ رضا صفدر کاظمی کو ڈی پی او کوٹ ادو کا اضافی چارج سونپ دیا گیا ہے۔