اسلام آباد(پی پی آئی)پاکستان ریلوے کے اتھلیٹکس کوچ اور سابق انٹرنیشنل اتھلیٹ محمد سعید گذشتہ روز انتقال کرگئے۔ ان کی وفات پر پاکستان اتھلیٹکس فیڈریشن کے صدر میجر جنرل ریٹائرڈ محمد اکرم ساہی، سیکرٹری جنرل محمد ظفر، قومی ہیڈ کوچ چوہدری اصغر علی گل اور قومی کوچ رفیق احمد نے دکھ اور افسوس کا اظہار کیا ہے اور دعا کی کہ اللہ تعالی مرحوم کو اپنے جوار رحمت میں جگہ دے اور لواحقین کو صبر جمیل عطا فرمائے۔ اپنے ایک تعزیتی پیغام میں پاکستان اتھلیٹکس فیڈریشن کے صدر میجر جنرل ریٹائرڈ اکرم ساہی نے کہاکہ مرحوم نے قومی اور انٹرنیشنل مقابلوں میں حصہ لیا اور ان کی ملک کے لئے اتھلیٹکس کے میدان میں خدمات کو ہمیشہ کے لئے یاد رکھا جائے گا۔