کراچی (نیوز رپورٹر) بقائی میڈیکل یونیورسٹی کے شعبہ امتحانات نے مڈٹرم ایگزامنیشن 2019ء کے شعبہ چشم (Ophthalmology) کے نتائج کا اعلان کردیا ہے۔ ناظم امتحانات ڈاکٹر محمدصدیق ملک کے مطابقMS OPH (MT) کے اسپیشلائزیشن کورس میں ڈاکٹر عبد الخالق اور ڈاکٹر محمد طیب اعوان کو کامیاب قراردے دیا گیا ہے۔ چانسلر بقائی میڈیکل یونیورسٹی پروفیسر ڈاکٹر زاہدہ بقائی نے یونیورسٹی کے آپتھالمولوجی کے سربراہ کے توسط سے دونوں امیدواروں کو کامیابی پر مبارک باد دیتے ہوئے کہا کہ ان کی کامیابی بھرپور محنت اور اپنی صلاحیتوں کو بہتر سے بہتر بنانے کے جذبے سے ہوئی ہے۔