کراچی (نیوز رپورٹر) مسلم لیگ (ن) لیبرونگ سندھ کے صدر اور محکمہ واٹر بورڈ مزدور یونین (شاہین) کے صدر سید منور رضا نے محکمہ میں سی بی اے الیکشن کی انتخابی مہم کے سلسلے میں مزدور یونین  کے مرکزی دفتر میں مزدور اجتماع سے خطاب کیا جس میںریٹائرڈ اور حاضر سروس ملازمین و محنت کشوں نے شرکت کرکے مزدور یونین کی حمایت کا اعلان اور اپنے مسائل سے آگاہ کیا اس موقع پر مزدور یونین کے سربراہ  سید منور رضا نے اپنے خطاب میں کہا کہ مزدور یونین ملازمین کی حقیقی نمائندہ تنظیم ہے جس نے ہمیشہ مزدوروں، محنت کشوں اور ملازمین کے حقوق کی جنگ لڑتے ہوئے ان کے حقوق دلانے میں کوئی کسر اٹھا نہیں رکھی ہے  انہوں نے واٹر بورڈ انتظامیہ پر کڑی تنقید کی اور کہا کہ انتظامیہ نے میڈیکل سہولت کا خاتمہ کرکے ملازمین کو جیتے جی مار  دیا ہے یوٹیلٹی الائونس بند کرنا بھی ظلم ہے انہوں نے کہا کہ سی بی اے الیکشن میں مزدور یونین کامیاب ہو کر میڈیکل الائونس تنخواہوں میں 10 ہزار روپے اضافے اور مہلک امراض کے علاج کیلئے 6 بڑے اسپتال پینل پر لانے سمیت دیگر مسائل کا حل یقینی بنائے گی اس موقع پر اشفاق اعوان، خواجہ طارق نذیر، عبداللہ شاہ، وزیر بھنبھرو، نعمان ہاشمی، نعیم اعوان، اصغر تینو، مسیحی رہنما یوسف حاکم، مشتاق مسیح، یوسف دار،رحمت میگا بھی موجود تھے۔