کراچی(نیوز رپورٹر)جامعہ کراچی میں حکومت سندھ کے اشتراک سے کووڈ19 ویکسینیشن سینٹر کی افتتاحی تقریب ہفتہ 29 مئی2021 ء کو صبح11:45 بجے سیرل ریسرچ اینڈ ڈیولپمنٹ سینٹر نزدپاکستان اسٹڈی سینٹر جامعہ کراچی میں منعقد ہوگی۔ترجمان سندھ حکومت اور وزیر اعلیٰ سندھ کے مشیر برائے قانون ،ماحولیات وساحلی ترقی بیرسٹرمرتضیٰ وہاب ویکسینیشن سینٹر کا افتتاح کریں گے ۔مذکورہ سینٹر جامعہ کراچی کے اساتذہ اور انتظامی عملے کی ویکسینیشن کے لئے قائم کیا جارہاہے ۔بعدازاں12:30 بجے بوٹینک گارڈن اینڈہربیریم جامعہ کراچی کو پروفیسر ڈاکٹر سید ارتفاق علی کے نام سے موسوم کرنے کی تقریب میں  بیرسٹرمرتضیٰ وہاب بحیثیت مہمان خصوصی شرکت کریں گے جبکہ شیخ الجامعہ پروفیسر ڈاکٹر خالد محمود عراقی تقریب کی صدارت کریں گے۔