کراچی (نیوزرپورٹر) پاکستان مسلم لیگ(ن) سندھ کے نائب صدر کراچی کے حلقے NA-243 سے مسلم لیگ(ن) کے امیدوارشیخ محمد شاہجہاںنے اپنے حلقہ انتخاب گلشن اقبال میں یوم تکبیر کے حوالے سے منعقدہ تقریب کے شرکا ڈاکٹر پروفیسر مسعود کاظمی ،عالمگیرگلزار، شیخ عبد الرشید، شیخ زوار، اقبال شیخ ،خورشید، محمد شریف اور کارکنوں کی بڑی تعداد سے خطاب کرتے ہوئے کہا ہے کہ میاں محمد نواز شریف پر کرپشن کے جھوٹے بے بنیاد اور مکروہ الزام لگانے والوں کو تاریخان کے انجام تک پہنچائے گی۔ دنیا کی تاریخ میں میاں محمد  نواز شریف واحد سیاسی رہنما ہیں جن کے سامنے امریکی صدر نے اربوں ڈالر کی پیشکش اور امریکہ سمیت دنیا بھر میں شہنشاہوں کے لئے مختص مراعات صرف اپنے وطن کی حفاظت اور قوم کے تابناک مستقبل کے لئے مسترد کی اور اپنی ذات سمیت اپنے خاندان کے لئے مشکلات سے بھرے راستے کا انتخاب کیا۔ گلشن اقبال بلاک 6 میں پاکستان مسلم لیگ(ن) کی جانب سے پاکستان کے ایٹمی دھماکوں کی 23 ویں سالگرہ کی تقریب کے شرکا سے خطاب کرتے ہوئے مسلم لیگ(ن) سندھ کے سینئر رہنما شیخ مھمد شاہجہاں نے کہا کہ چند ٹکوں کے فلیٹوں اور چند لاکھ کی تصوراتی تنخواہ کی عدم وصولی پر دو تہائی اکثریت سے منتخب ہر دلعزیز وزیر اعظم میاں محمد نواز شریف کے خلاف محلاتی سازشیں کرنے والے امریکی صدر بل کلنٹن کا اروبوں ڈالر کی پیشکش اور  ناقابل تصور مراعات کی پیشکشوں پر بات کرتے ہوئے کیوں گنگ ہوجاتے ہیں۔ میاں محمد نواز شریف سمیت پاکستان مسلم لیگ(ن) کی تمام قیادت محب وطن ، دیانت دار اور ملک و قوم کی خدمت کے جذبے سے سرشارہے جس کا منہ بولتا ثبوت ملک بھر میں پھیلے ہوئے موٹر ویز ، ہائی ویز، فلائی اوور، جدید ترین مواصلاتی نظام، اورنج ٹرین گرین لائن بس سروس جیسے منصوبے ہیں جو آج بھی تاریخ کے ناکام ترین حکمرانوں کے لئے ڈرائونا خواب بنے ہوئے ہیں۔