لاہور (کلچرل رپورٹر) پاک نشان فلمز کے روح رواں حاجی فقیر محمد انتقال کر گئے نماز جمعہ کے بعد ان کی نماز جنازہ ادا کی گئی اور انہیں قبرستان میانی صاحب میں سپردخاک کر دیا گیا فلمساز حاجی فقیر محمد نے ماضی میں چوڑیاں، شیر دل اور بے قابو جیسی کئی فلمیں بنائیں فلم پروڈیوسرز ایسوسی ایشن کے چیئرمین سید نور فلم ڈسٹری بیوٹرز ایسوسی ایشن کے چیئرمین اعجاز کامران اور دیگر فلم سازوں، تقسیم کاروں نے حاجی فقیر محمد کے انتقال پر ان کے صاحبزادے چودھری شہزاد اور چودھری کرامت سے اظہار افسوس کیا ہے۔