اسلام آباد (نوائے وقت رپورٹ) وفاقی وزیر ریلوے خواجہ سعد رفیق نے کہا ہے کہ خیبر پی کے کانیرو ’’عمران‘‘ بانسری بجا رہا ہے اور پشاور ڈینگی سے جل رہا ہے۔ اپنے ٹویٹ میں خواجہ سعد رفیق نے کہا کہ خیبر پی کے حکومت ناکام ہو چکی ہے۔ خیبر پی کے حکومت ڈینگی کی پیشگی اطلاع اور خطرے کی نشاندہی میں ناکام ہوئی۔ پی ٹی آئی کی بدترین حکمرانی نے خیبر پی کے کا کباڑہ کر دیا ہے۔ پنجاب حکومت پشاور کے شہریوں کیلئے موجود اور عمران خان غائب ہیں۔ حکومت پنجاب کا خیبر پی کے حکومت سے تعاون انسانیت کی بنیاد پر ہے۔