لاہور(سپورٹس رپورٹر ) آئی سی سی کی جانب سے جاری کی گئی نئی ٹیسٹ رینکنگ الیسٹرکک ٹاپ 10 میں شامل ہوگئے ہیں۔بیٹنگ میں سٹیوسمتھ پہلے ‘ جوئے روٹ دوسرے ‘ کین ولیمسن تیسرے، چتیشور پجارا چوتھے‘ ویرات کوہلی پانچویں‘ الیسٹر کک چھٹے“ اظہر علی ساتویں پوزیشن پرموجود ہیں‘جونی بیئرسٹو ٹاپ ٹین سے باہر ہو گئے ہیں۔باﺅلرز میں رویندرا جدیجا پہلے‘ جیمز اینڈرسن دوسرے ‘یاسر شاہ 14 ویں پوزیشن پر موجود ہیں۔آل راونڈرز میں شیکب الحسن نمبر ون، رویندرا جدیجا دوسرے، روی چندرن ایشون تیسرے، معین علی چوتھے اور بین اسٹوکس پانچویں نمبر پر ہیں۔آسٹریلیا کو ٹیم رینکنگ میں چوتھی پوزیشن بچانے کیلئے بنگلہ دیش کےخلاف ٹیسٹ سیریز میں لازمی فتح درکار ہے۔ میزبان ٹیم کی جانب سے وائٹ واش پر کینگروز ٹیم چھٹے نمبر پر چلی جائے گی جبکہ 0-1 سے فتح پر بھی ایک درجہ تنزلی کا سامنا کرنا ہوگا۔