پاک ہیروز، محمدن ہاکی کلب کی انڈر 16 ٹیموں کے درمیان جشن آزادی میچ برابر
لاہور(سپورٹس رپورٹر) جشن آزادی کے سلسلہ میں پاک ہیروز اور محمڈن ہاکی کلب کی انڈر 16 ٹیموں کے درمیان نمائشی میچ تین تین گول سے برابر رہا۔ 60 منٹ کے کھیل میں دونوں ٹیموں کی جانب سے تین تین گول کیے گئے۔مہمان خصوصی ایف آئی ایچ کے ٹرینر اور کوچ ایجوکیٹر غلام غوث تھے جنہوں نے کھلاڑیوں میں انعامات تقسیم کیے۔ میچ میں ایف آئی ایچ گولڈن وسل حیدر رسول اور میاں عبدالرحمان نے امپائرنگ کے فرائض انجام دیئے۔ اس موقع پر میچ کو دیکھنے کیلئے بڑی تعداد میں شائقین موجود تھے۔
