ریاض (اے ایف پی) سعودی حکام سے دعویٰ کیا ہے کہ قطر نے عازمین حج کو لینے جانے والے ہمارے طیاروں کو لینڈنگ کی اجازت نہیں دی۔ سرکاری سعودی پریس ایجنسی کے مطابق سعودی ائر لائنز کے ڈائریکٹر جنرل صالح الجسر نے بتایا اب ہم اس قابل نہیں قطری عازمین حج کو حماد ائر پورٹ سے لاسکیں کیونکہ اتھارٹیز نے طیاروں کو اترنے نہیں دیا۔ یاد رہے سعودی سمیت متعدد خلیجی ممالک نے دہشت گردی کے الزامات پر سفارتی تعلقات توڑ لیے تھے جس کے بعد کشیدگی بڑھ گئی ہے۔ چند روز قبل سعودی فرمانروا شاہ سلمان کے حکم پر عازمین حج کے لیے سرحد کھولی گئی تھی۔