رئیل سٹیٹ پاکستان ایکسپو کا انعقاد آئندہ ماہ شارجہ میں ہوگا
لاہور (پ ر) جنوبی ایشیا و مشرق وسطیٰ کی کلیدی تجارتی نمائش ”رئیل سٹیٹ اینڈ انوسٹمنٹ پاکستان ایکسپیو (رائپ) برائے 2017ئ“ انعقاد مورخہ 22 تا 23 ستمبر شارجہ‘ متحدہ عرب امارات میں ہونے جا رہا ہے جس میں پاکستان میں رئیل سٹیٹ کے شعبے سے منسلک ملک کی نامور کمپنیاں‘ تعمیراتی ادارے‘ رہائشی و تجارتی املاک کی خریدوفروخت سے متعلق ملکی و غیرملکی اداروں سمیت بین الاقوامی سرمایہ کاروں کی ایک بڑی تعداد شرکت کرے گی۔ متحدہ عرب امارات میں واقع دنیا کے نامور تجارتی و کاروباری مرکز شارجہ ایکسپو سینٹر میں منعقد ہونے والی دو روزہ بین الاقوامی نمائش میں پاکستان کے رئیل سٹیٹ ادارے اور ایجنسیز خصوصی سٹالز و نمائشی ماڈلز کی بدولت اپنے پروجیکٹس کو بین الاقوامی سطح پر منظرعام پر لائیں گی۔
