کراچی (آئی این پی) پاکستان تحریک انصاف کی جانب سے نااہل وزیراعظم نواز شریف کے سوال مجھے کیوں نکالا کے جواب میں شروع کردہ ایسے نکالا تمہیں مہم کے سلسلے میں پی ٹی آئی نے کراچی سے حیدرآباد تک ٹرین مارچ کیا مارچ کی قیادت پی ٹی آئی رہنما حلیم عادل شیخ نے کی اس موقع پر حلیم عادل شیخ، ڈاکٹر مسرور سیال، جان شیر جونیجو اور دیگر نے مسافروں میں پمفلٹ تقسیم کیے کراچی کینٹ سٹیشن سے شرورع ہونے والا مارچ حیدرآباد پہنچا تو پی ٹی آئی کارکنان کی جانب سے شاندار استقبال کیا گیا حلیم عادل شیخ نے حیدرآباد میں بھی مسافروں میں پمفلٹ تقسیم کیے کارکنان نے مجھے کیوں نکالا کے جواب میں بنے سٹیکر اور پمفلٹ ٹرین پر چپکا دیئے۔ اس موقع پر پی ٹی آئی رہنما حلیم عادل شیخ نے میڈیا سے گفتگو کرتے ہوئے کہا کہ نااہل وزیراعظم نواز شریف نے پوچھا کے انہیں کیوں نکالا گیا تو ان کو اب عوام جواب دے گی مجھے کیوں نکالا اب قومی مہم بن چکی ہے۔