کراچی(سپورٹس رپورٹر) اسجد اقبال نے این بی پی نیشنل رینکنگ سنوکر چیمپئن شپ جیت لی۔ فائنل میں اسجد اقبال نے اپنے ہی صوبہ پنجاب کے شاہد آفتاب کو15 فریم پر مشتمل فائنل میں دلچسپ اورسنسنی خیز مقابلے کے بعد8-4 فریم سے شکست دی۔ دونوں کوئسٹس کے درمیان ایک ایک پوائنٹ کے لئے دلچسپ معرکہ ہوا۔ مقابلے کے اختتام پر مہمان خصوصی نیشنل بنک کے صدر سعید احمدنے پاکستان بلیئرڈ اینڈ اسنوکر ایسوسی ا یشن کے صدر منور شیخ‘ سینئر نائب صدر جاوید اے کریم‘ نائب صدر اے قادر میمن‘ نیشنل بنک کے ایگزیکٹیو وائس پریزیڈنٹ اویس اسد خان اور اے پی پی نیشنل بنک انور فاروقی کے ہمراہ انعامات تقسیم کئے۔ فاتح کوئیسٹ اسجد اقبال کو وننگ ٹرافی کے علاوہ60 ہزار ورپے کیش ‘ رنر اپ شاہد آفتاب کو35 ہزارکیش جبکہ سیمی فائنلسٹ کو15‘15 ہزار ‘ کوارٹر فائنلسٹ کو 5,5 ہزار کیش ایوارڈ دیا گیا۔ اسجد اقبال محمد اعجاز کو اور شاہد آفتاب سندھ کے عبد الستار کو شکست دیکر فائنل معرکہ میں آئے تھے۔