راجن پور (نیوز رپورٹر) راجن پور کچہ کے علاقہ میں بدنام پٹ، لُنڈ اور عمرانی گینگ ایک بار پھر سرگرم ہو چکا ہے۔ ڈاکوئوں نے کچہ میں موجود پولیس پکٹ عمرانی پر حملہ کردیا۔ پولیس اور ڈاکوئوں کے مابین شدید فائرنگ کے تبادلے میں ایک پولیس اہلکار زخمی جبکہ حملہ میں پکٹ پر موجود پولیس موبائل کو بھی نقصان پہنچا ہے۔ واقعہ کی اطلاع ملتے ہی پولیس کی بھاری نفری کچہ کے علاقہ میں روانہ کر دی گئی ہے۔ پولیس ذرائع کے مطابق 6 سے 7 ڈاکوئوں نے پولیس پکٹ پر حملہ کیا جس کے بعد شدید فائرنگ کا سلسلہ جاری رہا۔