گجرات (نامہ نگار) شادیوال میں اسٹیج اداکارہ سمیت خواتین پر سر عام تشدد کے واقعہ کا قائم مقام ڈی پی او نے نوٹس لے لیا پولیس کے چھاپے ،ملزمان گرفتار کرلئے گئے۔ قائم مقام ڈی پی او نے کنجاہ کے علاقہ شادیوال میں سٹیج اداکارہ کشش چوہدری سمیت خواتین کیساتھ سر عام بدتمیزی ،مار کٹائی اور تشدد کے واقعہ کا سخت نوٹس لیا اور ڈی ایس پی اور ایس ایچ او سے رپورٹ طلب کر لی اور تمام ملزمان کی گرفتاری کے احکامات جاری کیے ،ڈی پی او کی ہدایت پر ایس ایچ او کنجاہ نے چھاپے مار کر مقدمہ کے ملزمان کو گرفتار کر لیا جنہیں عدالت میں پیش کر کے ریمانڈ لے لیا گیا۔ واقعہ کی تفتیش کی جا رہی ہے فیس بک پر اپ لوڈ ہونے والی ویڈیو کا ریکارڈ بھی پولیس نے قبضہ میں لے لیا۔