میاں چنوں( نوائے وقت نیوز) میاں چنوں کے علاقے وجھیانولا میں خواتین نے لڑکی کو چھیڑنے پر جعلی پیر کی چھترول کر دی، خوب درگت کے بعد پولیس کے حوالے کر دیا، اڈا چھیانوالہ پر مشتاق ماچھی پیر کی خواتین کے ہاتھوں خوب چھترول ہوئی، خواتین نے بتایا کہ ہم خانیوال سے آئے ہیں ، ہمارا بچہ گم ہوا ہے، پیر نے کہا کہ پندرہ سالہ لڑکی لے کر آﺅ اس پر جنات اثر کریں گے اور وہ گمشدہ لڑکے کے بارے بتائے گی، ہم پندرہ سالہ لڑکی لے کر آئے تو پیر نے لڑکی کی آنکھوں پر پٹی باندھ دی۔ بد تمیزی کرنے لگا تو لڑکی نے شور کر دیا جس پر لڑکی کے ساتھ آئی خواتین نے نام نہاد پیر کی پکڑ کر خوب درگت بنائی، پیر نے چوبارہ سے چھلانگ لگائی تو اس کی ٹانگ ٹوٹ گئی ، تا ہم تھانہ چھب کلاں نے پیر کو گرفتار کر کے کارروائی شروع کر دی ہے۔
جعلی پیر