اسلام آباد، لاہور (نامہ نگار+ سپورٹس رپورٹر) اسلام آباد سمیت مختلف شہروں میں زلزلے کے شدید جھٹکے محسوس کئے گئے جس کی وجہ سے لوگوں میں خوف و ہراس پھیل گیا۔ زلزلے کے جھٹکے، ایبٹ آباد، مانسہرہ، ایوبیہ، واہ کینٹ، ہری پور، مردان، شانگلہ، سوات اور مینگورہ سٹی میں بھی محسوس کئے گئے۔ جھٹکے محسوس ہوتے ہی شہری کلمہ طیبہ کا ورد کرتے ہوئے گھروں، دفاتر اور عمارتوں سے باہر نکل آئے۔ زلزلہ پیما مرکز کے مطابق زلزلہ شام 5 بجکر 25 منٹ پر آیا جس کی شدت ریکٹر سکیل پر 5 ریکارڈ کی گئی جبکہ اس کی گہرائی زیرزمین 17 کلومیٹر اور مرکز مینگورہ کے 67 کلومیٹر شمال میں تھا۔ زلزلے سے کسی قسم کے نقصان کی اطلاع موصول نہیں ہوئی۔ سپورٹس رپورٹر لاہور میں بھی زلزلے کے جھٹکے محسوس کئے گئے۔
زلزلہ