لاہور(سپورٹس رپورٹر) جنوبی افریقہ گلوبل ٹی ٹونٹی لیگ کی ڈرافٹنگ میں فخر زمان، عماد وسیم، وہاب ریاض، یاسر شاہ، محمد نواز اور عمر اکمل کو خرید لیا گیا۔کیپ ٹاو¿ن میں جنوبی افریقہ گلوبل ٹی ٹونٹی لیگ کی ڈرافٹنگ ہوئی جس میں چیمپئنز ٹرافی فائنل کے ہیرو فخر زمان کو ڈربن قلندرز نے خرید لیا۔ پی سی بی کے زیر عتاب عمر اکمل کو بھی ہاتھوں ہاتھ لیا گیا۔ مڈل آرڈر بلے باز کو بینونی زلمی نے ایک لاکھ ڈالر میں خریدا۔ جنید خان گلوبل ٹی ٹونٹی لیگ کی فرنچائز نیلسن منڈیلا سٹارز کی جانب سے ان ایکشن ہونگے۔بلے بازوں کو تگنی کا ناچ نچانے والے سپنر عماد وسیم سٹیلن بوش کا حصہ بن گئے۔ ڈرافٹ میں مصباح الحق سمیت 25 پاکستانی کرکٹرز شامل ہیں۔ جنوبی افریقہ کی ٹی ٹونٹی لیگ کے سنسنی خیز مقابلوں کا آغاز نومبر میں ہو گا۔