علی پور چٹھہ: بدنام زمانہ عاطف کا بھائی پولیس مقابلہ میں ہلاک، 2 کانسٹیبل زخمی
علی پور چٹھہ (نامہ نگار) علی پور چٹھہ کے رہائشی عاطف بٹ عرف عاطی لاہوریاکا بھائی پولیس مقابلے میں ہلاک ہوگیا۔ پولیس نواحی علاقہ فتح پور چٹھہ کے قریب پسٹل برآمدگی کیلئے لے جارہی تھی۔ ملزم کے ساتھیوں کی فائرنگ سے ملزم مارا گیا۔ 2 کانسٹیبل ذوالفقار علی اور محمد سرور زخمی ہوگئے۔ علی پور چٹھہ کے بدنام زمانہ عاطف بٹ عرف عاطی لاہوریا کا بھائی محمد اعظم بٹ لاہوریا جس کو سعودی عرب سے پشاور آنے پر ایئرپورٹ سے سی آئی اے سٹاف گوجرانوالہ نے گرفتار کرلیا تھا۔ پولیس ملزم کو اسلحہ کی برآمدگی کیلئے نواحی علاقہ فتح پور چٹھہ لے جارہی تھی اسلحہ کی برآمدگی کے بعد واپسی پر نہر کے قریب اعظم لاہوریا کے ساتھیوں نے اسے چھڑانے کیلئے پولیس پارٹی پر فائرنگ کر دی۔ فائرنگ کی زد میں آکر محمد اعظم بٹ موقع پر جاں بحق ہو گیا جبکہ 2 کانسٹیبل ذوالفقار علی اور محمد سرور زخمی ہو گئے جن کو گوجرانوالہ ریفر کر دیا گیا۔
