شیخوپورہ: مخالفین کی نماز جنازہ پر فائرنگ بھگدڑ مچنے سے باپ بیٹا زخمی
شیخوپورہ ، فیروزوالہ (نمائندہ خصوصی+ نامہ نگار) تھانہ سٹی مرید کے کے علاقہ حدو کی میںدیرینہ دشمنی کی بناء پر مسلح ملزمان نے نماز جنازہ کے دوران مخالف فریق پر فائرنگ کردی جس سے جنازہ میں بھگڈر مچ گئی فائرنگ کے نتیجہ میں باپ عنایت علی اوراسکا بیٹا عرفان زخمی ہوگئے، دونوں تشویشناک حالت کے پیش نظر لاہور ریفر کردیا گیا۔ زخمی ہونیوالے دونوں باپ بیٹا علاقہ کے زمیندار متین راٹھور کے گن مین بتائے گئے ہیں جس کی کھاری بٹ گروپ سے دشمنی چلی آرہی ہے گزشتہ روز وہ زخمی بابا عنایت کی بیٹی کی نماز جنازہ کی ادائیگی کیلئے متین گروپ شرکت کیلئے گیا ہوا تھا کہ وہاں ان کی مخالف پارٹی کھاری بٹ گروپ نے فائرنگ کردی متین راٹھور معجزانہ طور پر بچ گئے۔ ان کے گن مین باپ بیٹا زخمی ہوگئے جن کی حالت تشویشناک بتائی گئی ہے۔ پولیس مصروف تفتیش ہے۔
