واشنگٹن (سپورٹس ڈیسک ) یو ایس اوپن ٹینس ٹورنامنٹ کے پہلے مرحلے میں جرمنی کی دفاعی چیمپئن انجلیق کربر کو اپ سیٹ شکست ہو گئی۔ ورلڈ نمبر ون کیرولینا پلیشکووا اور رافیل نڈال‘راجر فیڈرر نے اپنے اپنے میچ جیت لیے ہیں۔جرمنی کی عالمی نمبر چھ اور یو ایس اوپن کی دفاعی چیمپئن انجلیق کربر کو ایونٹ کے پہلے ہی راو¿نڈ میں اپ سیٹ شکست ہو گئی۔جاپان کی عالمی نمبر پینتالیس نومی اوساکا نے انہیں چھ تین اور چھ ایک سے ہرا کر ٹورنامنٹ سے باہر کیا۔ ایونٹ کے ایک اور میچ میں جمہوریہ چیک کی کیرولینا پلیشکووا نے پولینڈ کی میگڈا کو با آسانی چھ دو ، چھ ایک سے ہرا کر اگلے مرحلے میں جگہ بنائی۔ مردوں کے میچ میں سپین کی ٹینس سٹار رافیل نڈال نے دلچسپ مقابلے کے بعد سربیا کے ڈوسان کو سات چھ ، چھ دو اور چھ دو سے آو¿ٹ کلاس کیا۔ سوئٹزر لینڈ کے راجر فیڈرر نے بھی کامیابی حاصل کر لی ۔