لاہور (نیوز رپورٹر) ایل پی جی کی قیمت میں 5 روپے فی کلو اضافہ کر دیا گیا جس کے بعد گھریلو سلنڈر کی قیمت میں 50 روپے اور کمرشل سلنڈر کی قیمت میں 200 روپے کا اضافہ ہو گیا۔ ایل پی جی کی قیمتیں بڑھنے سے گھریلو سلنڈر کی قیمتیں کراچی میں 100 روپے کلو‘ لاہور‘ گوجرانوالہ‘ فیصل آباد‘ جہلم‘ قصور‘ ساہیوال‘ سیالکوٹ‘ ڈسکہ‘ پشاور میں 105 روپے کلو‘ رحیم یار خان‘ صادق آباد‘ بہاولپور‘ لودھراں‘ یزمان میں 115 روپے فی کلو‘ حیدرآباد‘ اٹک‘ گجرات‘ میرپور آزادکشمیر میں 125 روپے کلو‘ راولپنڈی‘ اسلام آباد‘ ایبٹ آباد‘ مظفر آباد‘ باغ‘ فاٹا‘ کوٹلی‘ آزادکشمیر‘ ٹنڈو محمد خان‘ ٹنڈو اللہ یار‘ میرپور خاص‘ عمر کوٹ‘ نواب شاہ‘ منباری‘ ٹھٹھہ‘ دادو‘ جام شورو‘ شکارپور میں 130 روپے فی کلو‘ گلگت بلتستان‘ مری‘ نتھیا گلی‘ بالا کوٹ میں 135 روپے کلو ہو گئیں۔