فیصل آباد/ ساہیوال/ پاکپتن/ اوکاڑہ/ کوٹ رادھا کشن (نمائندہ خصوصی + نامہ نگاران + نمائندہ نوائے وقت) مختلف شہروں میں 2 لڑکوں اور 5 خواتین کو اوباشوں نے زیادتی کا نشانہ بنا دیا۔ فیصل آباد کے نواحی تھانہ چک جھمرہ کے علاقے قصبہ سٹی میں اعجاز ارشد کے بیٹے 12 سالہ عبدالعزیز کو آفاق وغیرہ 8 افراد نے زبردستی اغوا کرکے ایک ڈیرہ پر منتقل کیا جہاں ملزم افتخار ڈیال نے اسے زیادتی کا نشانہ بنادیا۔ ساہیوال کے چک 142/9 ایل میں اوباش ملزم تنویر (ش۔ب) کے گھر داخل ہوگیا اور اسکو اپنی ہوس کا نشانہ بناکر فرار ہوگیا۔ پاکپتن کے نواحی گائوں ہوتہ کے محمد امیر کا بھتیجا ذیشان رسول ملزم سعید کے پاس موٹر سائیکل ٹھیک کرانے گیا۔ ملزم سعید نے اسے فصل مکئی میں لے جاکر زیادتی کا نشانہ بنا ڈالا۔ نواحی گائوں شمس کنڈ کے محمد یٰسین کی بیٹی (ن) بی بی کو اجمل وغیرہ چار افراد اغوا کرکے لے گئے جہاں پر ملزم اجمل نے خاتون کو زیادتی کا نشانہ بنادیا۔ اوکاڑہ کے نواحی قصبہ 24/ جے ڈی کے علی شیر کی حاملہ بیوی رخسانہ بی بی بچوں کو مدرسے چھوڑ کر واپس گھر آرہی تھی کہ ملزم الطاف نے دو ساتھیوں کے ہمراہ اسے زبردستی اغوا کرکے کھیتوں میں لے جاکر زیادتی اور تشدد کا نشانہ بنا دیا۔ کوٹ رادھا کشن کے نواحی گائوں مدکے دھاری وال کے محمد رمضان کی بھانجی بلقیس سے گائوں کے محسن علی نے اپنی والدہ کے بلانے کا بہانہ کرکے اسے حویلی مویشیاں میں لے گیا اورزیادتی کرڈالی۔ نواحی گائوں کلارک آباد کلاں کی 13 سالہ الشبا سے اسکے قریبی عزیز عمانویل عرف مٹھو نے گھر والوں کو دودھ میں کوئی نشہ آور چیز پلاکر زیادتی کرڈالی۔