لاہور/ فیروزوالا (نامہ نگاران) صوبائی دارالحکومت کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ ڈاکوؤں نے کوٹ لکھپت میں آفتاب کے اہلخانہ کو گن پوائنٹ پر یر غمال بنا کر7 لاکھ مالیت کی نقدی، طلائی زیورات، موبائل فون اور دیگر سامان، نواب ٹائون میںکاشف اور اس کی فیملی سے 4لاکھ 60 ہزار مالیت، ٹائو ن شپ میں جبریل قمر اور اس کی فیملی سے 3 لاکھ مالیت کی نقدی، طلائی زیورات اور موبائل فون، شاہدرہ میں صداقت سے 95 ہزار اور موبائل فون، وحدت کالونی میں بشیر سے 80 ہزار اور موبائل فون، شیراکوٹ میں اعجاز سے 70 ہزار اور موبائل فون لوٹ لیا ہے۔ چوروں نے نواب ٹائون میں سے برکت، پرانی انارکلی میں سے جاوید کی گاڑیاں جبکہ اچھرہ میںسے نعیم، گارڈن ٹائون میں فیصل، اقبال ٹائون میں فاروق، ستوکتلہ سے منظور، ملت پارک سے ندیم کی موٹر سائیکلیں چوری کر لی ہیں۔ فیروزوالا سے نامہ نگار کے مطابق جی ٹی روڈ کی آبادی رانا ٹائون میں ڈاکوئوں نے ٹیلی فون ایکسچینج میں داخل ہو کر لاکھوں رورپے مالیت کی بیٹریاں اور سکیورٹی گارڈ کی رائفل لے کر فرار ہو گئے۔ پولیس فیروزوالا نے محمد عثمان اعوان کی رپورٹ پر مقدمہ درج کر لیا ہے۔ چور اصغر علی کے گھر میں داخل ہو کر سات لاکھ روپے مالیت کے زیورات، نقدی دیگر سامان لے کر فرار ہو گئے۔ ڈاکو کوٹ عبدالمالک کے قریب مزاحمت پر وقاص محبوب کو زخمی کر کے لاکھوں روپے کا سامان لوٹ کر فرار ہو گئے۔ چور محمد بشیر کے ڈیرہ میں داخل ہو کر لاکھوں رورپے مالیت کے مویشی چور کر کے فرار ہو گئے۔ پولیس نے مقدمات درج کر لئے ہیں۔ علاوہ ازیں شیخوپورہ روڈ پر مبینہ پولیس مقابلے میں 2 ڈاکو ہلاک اور ایک زخمی ہوگیا جبکہ 4 ڈاکو فرار ہوگئے۔ ڈاکو ٹرک پر چھینے ہوئے مویشی لے کر جا رہے تھے۔ راستے میں پولیس نے رکنے کا اشارہ کیا تو ڈاکوئوں اور پولیس کے درمیان فائرنگ کا تبادلہ ہوا جس میں 2 ڈاکو ہلاک اور ایک زخمی ہوگیا۔