شیخوپورہ: ڈیوٹی سے غیرحاضر رہنے پر قائداعظم تھرمل پاور پراجیکٹ بھکھی پر تعینات 7 پولیس اہلکاروں کیخلاف مقدمات درج
شیخوپورہ (نمائندہ خصوصی) محکمہ پولیس کے اعلیٰ حکام کے معائنہ کرنے پر قائداعظم تھرمل پاور پراجیکٹ بھکھی میں سپیشل پروٹیکشن یونٹ کے پولیس ملازمین ڈیوٹی سے غیرحاضر پائے گئے جن میں 7کانسٹیبل محمداکبر، وقاص احمد، محمد سجاد، سلیمان، محمد اعظم، شیر افسر اور شہزاد احمد شامل ہیں جو مختلف دنوں میں معائنے کے دوران غیرحاضر پائے گئے۔ پولیس نے سب انسپکٹر احمد خان کی مدعیت میں ان کانسٹیبلوں کے خلاف پولیس آرڈیننس 155/ سی کے تحت مقدمات درج کرلئے ہیں۔
