قائداعظم یونیورسٹی میں طلبا کو مفت شراب فراہم کی جاتی ہے: وائس چانسلر کا انکشاف
اسلام آباد(صباح نیوز) قائداعظم یونیورسٹی میں طلبا کو مفت شراب فراہم کی جاتی ہے۔ یونیورسٹی کے وائس چانسلر نے تہلکہ خیز انکشاف کردیا ۔ وائس چانسلر نے منشیات فروشوں کے سامنے ہاتھ کھڑے کردیے ۔نجی ٹی وی کے مطابق وائس چانسلر قائد اعظم یونیورسٹی ڈاکٹر جاوید اشرف نے جامعہ میں منشیات کا استعمال نہ رکنے کی وجہ بھی بتا دی۔ انھوں نے بتایاکہ یونیورسٹی کی دیواریں نہیں ہیں جس کی وجہ سے منشیات فروشوں کوروکنا ممکن نہیں ہے۔ڈاکٹر جاوید اشرف نے کہا کہ جامعہ کراچی کے واقعہ کے بعد انتظامیہ نے طلبا پر نظر رکھی ہوئی ہے اور ہاسٹلز میں غیر قانونی طور پر رہائش پذیر طلبا کو نکال دیا گیا ہے۔
