پیرس(آئی این پی )فرانس میں چاقو سے فوجی پر حملہ کرنے کی کوشش کرنے والے مبینہ حملہ آور کو گرفتار کرلیا گیا ۔غیر ملکی میڈیا کے مطابق فرانس کی مسلح افواج کی جانب سے جاری ہونے والے بیان میں کہا گیا کہ انسداد دہشت گردی کے لیے متعین ایک فوجی پر چاقو سے حملہ کرنے کی کوشش میں ایک شخص کو گرفتار کیا گیا ہے۔ یہ واقعہ علی الصبح شاٹلے میٹرو سٹیشن پر رونما ہوا۔ حملہ آور نے حملے کے لیے نعرہ لگایا لیکن فوجی نے اسے آسانی کے ساتھ اپنی گرفت میں لے لیا۔