اسلام آباد (وقائع نگار خصوصی ) سعودی عرب کے سفیر نواف سعید المالکی نے سپیکر قومی سردار ایاز صادق سے ملاقات کی۔ملاقات میں دوطرفہ تعلقات اورباہمی دلچسپی کے امور پر تبادلہ خیال کیا گیا۔ جمعہ کو قومی اسمبلی سیکرٹریٹ سے جاری پریس ریلیز کے مطابق ملاقات کے دوران سپیکر نے کہا کہ پاکستان اپنے برادر اسلامی ملک کے ساتھ تعلقات کو مزید اچھے اور خوشگوار دیکھنے کا خواہاں ہے،مسلم اُمہ کے مسائل کے حل کے لیے اُمت مسلمہ کو متحدہونے کی ضرورت ہے ۔ تمام اُمت مسلمہ کو اپنا کردار ادا کرنا چاہیے ،اس موقع پر سعودی سفیر نے کہاکہ سعودی حکومت اور عوام پاکستان کے ساتھ اپنے تعلقات کو قدر کی نگاہ سے دیکھتے ہیں،پاکستان کی دہشتگردی کے خلاف جنگ کو دنیا فراموش نہیں کر سکتی ۔اس موقع پر سعودی عرب کے سفیر نے کہا دنیا دہشت گردی کے خلاف جنگ میں پاکستان کے کردار و تعاون کو نظرانداز نہیں کرسکتی۔