پنجاب یونیورسٹی نے دوستانہ فٹبال میچ جیت لیا
لاہور(سپورٹس رپورٹر+ نمائندہ سپورٹس) پنجاب یونیورسٹی کے زیر اہتمام ہائر ایجوکیشن کمیشن کے پندرہ سال مکمل ہونے کی تقریبات کے سلسلے میں نیو کیمپس گراﺅنڈ میں کھیلا گیا دوستانہ فٹبال میچ پنجاب یونیورسٹی نے جیت لیا۔ پہلے ہاف کے چونتیسویں منٹ تک پنجاب یونیورسٹی کی ٹیم کھیل پر حاوی رہی جبکہ ہاف ٹائم تک کوئی ٹیم گول نہ کر سکی۔ میچ کا فیصلہ پینلٹی ککس پر ہوا جس میں پنجاب یونیورسٹی کے گول کیپر حمزہ نے ایچ ای سی الیون کی چھٹی پینلٹی کک کو روکا اور اپنی ٹیم کی فتح میں اہم کردا ر ادا کیا۔ مہمان خصوصی ڈائریکٹر سپورٹس پنجاب یونیورسٹی ڈاکٹر محمد ظفر اقبال بٹ نے جیتنے اور ہارنے والی ٹیموں میں ٹرافیاں تقسیم کیں۔
