جھنگ (نامہ نگار) تھانہ کوتوالی کے علاقہ بستی مائی ہیر سے تین خواتین کی نعشیں برآمد ہوئی ہیں۔ تینوں خواتین آپس میں رشتے دار تھیں۔ پولیس کے مطابق گزشتہ شب اہل علاقہ کی جانب سے پولیس کو اطلاع دی گئی مکان پر کئی دنوں سے تالا لگا ہے اور شدید بدبو آرہی ہے پولیس نے گھر کے صحن میں کھدائی کر کے تینوں نعشوں کو برآمد کر لیا، پولیس کے مطابق اس گھر میں صائمہ نامی خاتون اپنی والدہ فوزیہ اور خالہ عطیہ کے ساتھ رہتی تھی جس نے گلزار نامی شخص سے چند سال قبل شادی کی تھی، کچھ عرصہ قبل گلزار نے دوسری شادی کر لی تھی، پولیس کو شبہ ہے گلزار نے تینوں خواتین کو تیز دھار آلے سے گلا کاٹ کر قتل کر دیا اوران کی نعشیں گھر کے صحن میں دباکر فرارہو گیا، پولیس کی ابتدائی تحقیقات کے مطابق نعشیں بیس روز قبل دبائی گئیں پولیس نے نعشوں کو پوسٹ مارٹم کے لئے ڈسٹرکٹ ہیڈ کواٹر بھجوا کر قانونی کارروائی کا آغازکرتے ہوئے ملزم گلزار کی تلاش شروع کر دی ہے۔