گوجرانوالہ (نمائندہ خصوصی) ڈکیتی کے ملزم کی ہلاکت کے خلاف ورثا کا سول ہسپتال کے باہر احتجاجی مظاہرہ‘ ملزم کو گزشتہ روز جیل سے تاریخ پیشی کیلئے عدالت لے جایا جا رہا تھا‘ عدالت منتقلی کے دوران سجاد کی حالت غیر ہونے پر گزشتہ روز ہسپتال منتقل کیا گیا جہاں وہ تھوڑی دیر زیرعلاج رہنے کے بعد دم توڑ گیا۔ ہلاکت کی اطلاع ملنے پر ملزم کے اہل خانہ دسٹرکٹ ہیڈ کوارٹر ہسپتال پہنچ گئے پولیس کے خلاف شدید نعرے بازی کی۔ ہلاک ہونے والے ملزم کی والدہ نے الزام لگایا کہ جیل پولیس نے سجاد کو تشدد کا نشانہ بنایا جس سے اس کی موت واقع ہوگئی۔