شاہکوٹ، کامونکے، فیصل آباد( نامہ نگاران) مختلف واقعات میں خاتون ، میٹرک کے طالب علم اور معمر شخص نے خودکشی کرلی۔ شاہکوٹ کے نواحی گائوں مدینہ ٹائون میں 30 سالہ عاصمہ نے گھریلو ناچاقی پر زہریلی گولیاں نگل کر زندگی ختم کرلی جبکہ کامونکے کے علاقے شیش محل روڈ کے 80سالہ عبدالغفور نے بیٹوں کی بدتمیزیوں سے دلبرداشتہ ہو کر زہریلی گولیاں نگل لیں۔ اسے ہسپتال لے جایا گیا جہاں وہ دم توڑ گیا۔ علاوہ ازیں فیصل آباد میں ستیانہ کے نواحی گائوں 39/گ ب کا ارسلان دسویں جما عت کا طالب علم تھا۔ والد کی وفات کے بعد گھریلو حالات خراب تھے جس کے باعث اسکی والدہ لوگوں کے گھروں میں کام کرتی تھی جس سے دلبرداشتہ ہوکر اس نے خود پر پٹرول چھڑک کر آ گ لگالی اور ہسپال میں ہسپتال پہنچ کر دم تو ڑ گیا۔