لاہور(سپورٹس رپورٹر+نمائندہ سپورٹس ) پاکستنان بلائنڈ کرکٹ کونسل نے پانچ بلائنڈ ورلڈ کپ کی تیاری کے لیے جاری کیمپ کے کھلاڑیوں کو شارٹ لسٹ کر کے 23 ناموں کا اعلان کر دیا ہے۔ ورلڈ کپ اگلے سال جنوری میں پاکستان اور متحدہ عرب امارات میں کھیلا جائیگا۔ میگا ایونٹ کے لیے پاکستان بلائنڈ کرکٹ کونسل کے چیئرمین سید سلطان شاہ نے نثار علی کو ٹیم کا کپتان جبکہ عامر اشفاق کو نائب کپتان مقرر کیا ہے۔ اعلان کردہ کھلاڑیوں کے تربیتی کیمپ کا اگلا مرحلہ 22 سے 29 اکتوبر تک فیصل آباد میں منعقد ہوگا۔ وررلڈ کپ کے لیے اعلان کردہ 23 کھلاڑیوں میں عامر اشفاق، ظفر اقبال، ساجد نواز، محمد ایاز، ریاست خان، محمد آصف، محمد اسامہ، ہارون خان، معین علی، بدر منیر، انیس جاوید، نثار علی، محمد ایوب خان، ذیشان عباسی، محمد جمیل، محسن خان، اسرار حسن، محمد اعجاز، مطیع اﷲ، محمد راشد، کامران اختر، ثناءاﷲ اور راشد اﷲ شامل ہیں۔