لاہور(سپورٹس رپورٹر+نمائندہ سپورٹس ) پاکستان آئندہ برس ڈیوس کپ ٹائی گروپ ون میں کوریا کے مدمقابل ہو گا، دونوں ٹیموں کے درمیان ٹائی 2 سے 4 فروری کو کھیلی جائے گی۔لندن میں ڈیوس کپ ٹائی اور فیڈ کپ 2018ءکے ڈراز کا اعلان کیا گیا ۔جس کے تحت پاکستانی ٹیم کو گروپ ون کے ابتدائی راونڈ میچ میں کوریا کا چیلنج درپیش ہو گا۔پاکستان نے ڈیوس کپ ٹائی ایشیا اوشنیا زون گروپ ٹو کے تیسرے مرحلے میں تھائی لینڈ کو شکست دے کر گروپ ون کیلئے کوالیفائی کیا تھا۔