زیورخ (سپورٹس ڈیسک) برازیلی فٹبالر نیمار جونیئر نے فیفا کے شارٹ لسٹ کیے گئے تین بہترین کھلاڑیوں میں جگہ بنا لی ہے۔پرتگالی سٹرائیکر کرسٹیانو رونالڈ نے ریال میڈرڈ کو لالیگا اور چار سال میں تیسری بار چیمپئنز لیگ کا چیمپئن بنایا۔ اسی وجہ سے رونالڈو بھی فیفا ایوارڈ کی دوڑ میں شامل ہوئے۔ رونالڈو کے روایتی حریف سمجھے جانے والے لیونل میسی ان تین میں سے ایک ہیں۔ ارجنٹائن سے تعلق رکھنے والے سپر سٹار نے گزشتہ سیزن 54 گول داغے۔ بارسلونا کو کوپا ڈیل رے اور سپینش سپر کپ میں فتح دلانے میں بھی میسی کا کردار یادگار تھا۔فٹبال کے تین چمکتے دمکتے ستارے نیمار، رونالڈو اور میسی میں سے فیفا ایوارڈ کے حوالے سے کس کی قسمت کا ستارہ روشن ہوتا ہے؟ اعلان آج ہو گا۔