لاہور (نمائندہ سپورٹس +سٹاف رپورٹر) پاکستان ریلوے سپورٹس بورڈ کے زیر اہتمام انٹر ڈویژنل باکسنگ چیمپئن شپ کے مقابلے اسلامیہ کالج سول لائن میں منعقد ہوئے لاہور ڈویژن نے مجموعی طور پر 84 پوائنٹس حاصل کرکے ٹرافی جیت لی کوئٹہ ڈویژن نے 58 پوائنٹس حاصل کرکے دوسری کراچی ڈویژن نے 32 پوائنٹس کے ساتھ تیسری جبکہ ورکشاپس ڈویژن نے چوتھی پوزیشن حاصل کی اس موقع پر سپورٹس آفیسر پاکستان ریلوے سپورٹس بورڈ راشد محمود بٹ نے مہمانِ خصوصی کی حیثیت سے انعامات تقسیم کئے اکائونٹس آفیسر محمد عطا بٹ، میر ارشد اقبال بٹ، سید نجم السعید، منظور علی عارف، اویس اکبر، محمد اعجاز، عبدالحمید، محمد کاشف، انتصار حسین اور تماشائیوں کی بڑی تعداد نے مقابلے دیکھے اور کھلاڑیوں کو داد پیش کی شرجیل بٹ، ارشد ملک، طارق امین، بشیر شجاع، واصف علی، جاوید عاشق، تنویر بٹ اور ارشد قریشی نے ججز کے فرائض انجام دیئے۔